கலர் டிவி கனவுகள்

திமுக-வின் தேர்தல் அறிக்கையில் , அவர்கள் ஆட்சிக்கு வந்தால் அணைவருக்கும் வண்ணத்தொலைக்காட்சிப்பெட்டி வழக்குவோம் என்று கூறியிருக்கிறார்கள். அது எப்படி சாத்தியமோ? இல்லையோ அது பற்றி இங்கு நான் சொல்லவரவில்லை. ஆனால் அப்ப்டி கொடுப்பதால் மக்களுக்கு என்ன பயன் என்பதை சற்று ஆராய்ந்து பாரத்தோமானால் , அதனால் சமூக கேடுதான் வருமே தவிர வேறு எந்த முன்னேற்றமும் ஏற்ப்படபோவதில்லை. 5000 ரூபாய் கலர்-டிவி கொடுத்தால் 100 ரூபாய் கொடுத்து கேபிள் டிவி வாங்க மக்கள் தயங்க மாட்டார்கள் என்ற எண்ண்ம் தான் கருணாநிதியை இப்படி அறிக்கைவிட வைத்துள்ளது. 1000 கோடி ரூபாய் அரசுப்பணத்தில் இலவச வண்ணத்தொலைக்காட்சிப்பெட்டி வழங்கி, மாதம் 200 கோடி ரூபாய் தன் குடும்ப (சன் டிவி) தொலைக்காட்சி நிறுவனத்திற்கு வருமானம் ஈட்டித்தரும் ஒரு பொது நலம்தான் இந்த அறிக்கை. வைகோ கேட்டது போல் "ஏன் கேபிள் டிவி இலவசமாக கொடுக்கலாமே?"

டிவி பார்ப்பதால் எந்த பலனும் இல்லையா? என்று நீங்கள் கேட்கலாம். நிச்சயமாக உண்டு. ஆனல் இவர்கள் ஒளிபரப்பும் தொலைக்காட்சி நிகழ்சிகளால் என்ன பலன் என்று பார்த்தோமானால் , பலன் பூஜ்ஜியம் தான். இருக்கும் கொஞ்ச அறிவும் இல்லாமல் மூளை மழுங்கிவிடும் அல்லது தீய எண்ணங்கள் நம்முள் வளர வழிவகுக்கும். இது தான் நல்ல நிகழ்ச்சி, இதுதான் இன்றைய செய்தி என்று இவர்கள் தறும் எந்த நிகழ்ச்சியுமே தரம் இல்லை. இதுபற்றி நான் ஏற்கனவே நான் "ஊடகங்களில் சில கரும்புள்ளிகள" என்ற தலைப்பில் திண்ணையில் எழுதியுள்ளேன்.

http://www.thinnai.com/pl0203066.html

இதைப்படித்தீர்களென்றால் உங்களுக்கு உண்மை விளங்கும். முழுக்க ,முழுக்க வியாபார நோக்கோடு செயல்பட்டுக் கொண்டிருக்கும் கருணாநிதி குடும்பத்தால் நம் மக்களுக்கு எந்த நன்மையும் கிடைக்கப்போவதில்லை. இருக்குக் சொத்தை காப்பாற்றத்தான் ஆட்சியைப்பிடிக்க இவர்கள் அலைந்து கொண்டிருக்கிறார்களே தவிர மக்களுக்கு நல்லது செய்யவேண்டும் என்ற எண்ணத்தில் இல்லை. இது அவர்களிம் மத்திய அமைசர்களின் செயல்பாடுகளில் இருந்தே நாம் தெரிந்துகொள்ளலாம். இதற்காகத்தான் வருவாய்த்துறை, தகவல் தொழில்நுட்பம் , சுற்றுச்சூழல் என வருமானம் வரும் துறைகளாக சண்டைபோட்டு வாங்கினார்கள். இதை இவர்களுக்கு வழங்கியதற்கு பரிசுதான் தொகுதிக்கு 2000 ஓட்டுகூட இல்லாத காங்கிரசுக்கு 48 தொகுதியை கருணாநிதி வழங்கியுள்ளார்.